-->

40 قاعدة ذهبية لحماية طفلك من البرد والحساسية فى الشتاء د أحمد الخطيب

40 قاعدة ذهبية لحماية طفلك من البرد والحساسية فى الشتاء د أحمد الخطيب
    40 قاعدة ذهبية لحماية طفلك من البرد والحساسية فى الشتاء د أحمد الخطيب على جبنا التايهة حماية الأطفال من البرد والإنفلونزا في الشتاء-كيف تحمين طفلك من أمراض الشتاء- حماية الطفل فى الشتاء-كيفية رعاية الطفل فى الشتاء-وصفة للأمهات لحماية الأطفال من أمراض الشتاء- علاج نزلات البرد عند الاطفال بالاعشاب-كيفية وقاية الاطفال الرضع من نزلات البرد-كيف احمي طفلي الرضيع من الزكام
    40 قاعدة ذهبية لحماية طفلك من البرد والحساسية فى الشتاء د أحمد الخطيبب-حماية الأطفال من البرد والإنفلونزا في الشتاء-كيف تحمين طفلك من أمراض الشتاء- حماية الطفل فى الشتاء-كيفية رعاية الطفل فى الشتاء-وصفة للأمهات لحماية الأطفال من أمراض الشتاء- علاج نزلات البرد عند الاطفال بالاعشاب-كيفية وقاية الاطفال الرضع من نزلات البرد-كيف احمي طفلي الرضيع من الزكام
    40 قاعدة ذهبية لحماية طفلك من البرد والحساسية فى الشتاء د أحمد الخطيب

    40 قاعدة ذهبية لحماية طفلك من البرد والحساسية فى الشتاء د أحمد الخطيب:

    1. إغلاق التكييف تماما. التكيفات غير انها بتنقل الجو البارد للبيت كذلك تنقل هواء الشارع بما فيه من تراب وجراثيم وحبوب لقاح من خارج البيت لداخله . فيكون الجسم معرض بشدة للحساسية والبرد.
    وفر نقودك وتمتع بجهاز تكييف بدون تكلفة ولا يستخدم الكهرباء
    2. إغلاق الشبابيك أثناء النوم مع زيادة لبس الطفل أثناء الليل طبقة زيادة .
    3. هناك أغذية هامة لزيادة مناعة الطفل فى الشتاء ومنها ضرورة شرب كوب ينسون قبل النوم ،، كوب موز باللبن قبل النزول للمدرسه+علبة زبادى.
    ضرورة النوم من ٨-١٠ ساعات .
    4.أكل فاكهة يوميا - موز او كيوى او فراولة او بطيخ او مانجو أو برتقال أو أى فاكهة متوفرة حسب إمكانياتك .
    5.لعب رياضة طويلة النفس مثل السباحة .
    6.عسل النحل فيه شفاء للناس.
    7. ممنوع شرب السجاير فى البيت.
    أفضل الوصفات والمشروبات للشعور بالدفء والتغلب على البرد فى الشتاء
    8- فيتامينات ضرورية لزيادة مناعة الأطفال خاصة فى الشتاء:


    كما قال الدكتورأحمد الخطيب جميع هذه الفيتامينات لا تحتاج إلى تحاليل.
    أهم الفيتامينات التى تزيد مناعة الأطفال هى فيتامين أ ود والحديد ويمكن تناولهم بالجرعات التالية لزيادة مناعة الأطفال فى فصل الشتاء.

    • فيتامين أ ڤيتون لكل الأطفال من سن سنة ونصف يتم تناول ٤ كبسولات دفعة واحدة كل ٦ أشهر لسن ٥ سنوات (فيتامين أ بالذات بيزود مناعة الجهاز التنفسي).
    فوائد الزنجبيل بهارات وللتنحيف والضغط والحمل و البرد والمناعة ginger
    • ڤيتامين د ولجرعة ربع قطارة ڤى دروب لكل الأطفال (٧٠٠ وحدة) للأبد .
    • الحديد -ربع قطارة هيدروفرين يومياً من ٦ شهور لسن سنتين .
    • فيتامين سي ولمون او برتقال يومياً .
    • برونكوڤاكسوم من ٦ شهور .
    • مصل الانفلونزا من ٦ شهور .
    • مصل المكورات الرئوية من شهر ونص ل ٥ سنين.

    كيف تتعاملى مع إبنك عند النزول للمدرسة بطريقة صحيحة لزيادة مناعة الطفل:9-10-11-12

    • فى الصباح الباكر وقبل الذهاب إلى المدرسة مثلا 6 الصبح اغسلى وجه الطفل بمياه بارده .
    • ثم يشرب كوب ماء دافئ .
    •  وعند النزول للمدرسة نلبس الطفل عشان الهوا الساقع. 
    • ضرورة غلق شباك العربية أو الباص المجاور للطفل مع فتح الشباك القريب من السواق (فتحة بسيطة)للتهوية .كذلك الفصل لابد من فتح شباك به للتهوية .
    13. عليك بتوصية إبنك بهذه الوصايا :
    • المناديل وزجاجة المياة متعلقات شخصية لا يصح تبادلها بين الأطفال حتى لا ننقل العدوى.
    • ممنوع القبلات والأحضان بين الأطفال حتى لا ننقل العدوى.
    • عدم النزول للمدرسة فى حالة الإصابة بالبرد أو السخونية حتى لا يزيد المرض.

    معلومات هامة للتغلب على فيروس البرد فى البداية وقبل أن يزيد:

    طريقة عمل السحلب المصرى للتسمين وزيادة الوزن والشعور بالدفء
    البرد فيروس بيقفل الأنف ويبدأ بخنفرة ويكمل برشح . قدامك ٤ سيناريوهات . ينزل على الصدر يعمل كحة ينزل على المعده يخليه يرجع ،، يقفل الودان -قناة استاكيوس- يعمل التهاب اذن وسطى وحرارة ،، يقفل الجيوب الأنفية يعمل التهاب وحرارة وصداع ويبقى الرشح أصفر- أو يخف من غير ما يعمل حاجة من دول.
    ١٤. الحساسية ما هى إلا برد متكرر .
    ١٥. الرشح له اوتريڤين وزرتك ، والكحة ليها سلجون وكافسيد ، والاذن ليها اوتال واوتوكالم أماالجيوب الأنفية لابد من مضاد حيوى يصفه الطبيب.
    ١٨. حساسية يعنى طفل حساس - وحاجة بتعمل له تحسس ،، لو قدرنا نخدّر تحسّس الطفل (بأدوية الحساسية) ،، أو نبعد عن الحاجة اللى بتعمل تحسس (بنعرفها بالتحاليل ) .. يبقى بدأنا نعالج الطفل صح بإذن الله.
    ١٩. ٨٨٪ من حالات حساسية الصدر طلع معاها حساسية أنف واحنا مش عارفين ،، يعنى ٨٨٪ من اسباب الكحة.
    ٢٠. أعطنى بخاخة كورتيزون للأنف وبخاخة صدر ، وسأقضى لك على ٩٠٪ من أسباب الكحة فى هذا العالم .
    ٢١. أعراض الحساسية أن الطفل يصاب بالزكام ، رشح ، خنفرة ، هرش أنف ، عطس ، كحة ليلية .. وتبقى مش عارفه ان دى أعراض حساسية الأنف وان علاجها بسيط جداً .


    إقرأ أيضاً:  كيفية التعامل مع سن المراهقة للبنات والتعامل مع مشاكل البنات وحلها
      ٢٢. زودى قطعة ملابس بالليل .
      ٢٣." التتقيل" في الملابس مالوش قواعد ،، اليوم بيومه ، انهارده حر بكرة تلج بعده ولعه ،، الجو عندنا مجنون يا جماعه ،، أستاذ الجغرافيا بتاع حار جاف صيفا دفئ ممطر شتاءاً بيتوب دلوقتى عشان الكدب بتاعه ده.
      ٢٤. قاعدة بسيطة للتعامل مع الكحة لإخواتى الدكاترة :
      اول ما تلاقى معاها رشح او زكام اعرف ان الحنفية فتحت والبلغم نزل عالصدر ،، نعالج الحنفية.
      لو الكحة قلبت بنهجان ، صفير صدر (تزييق)
      يبقى بدأت تقفل الشعب الهوائية وهنحتاج موسع شعب حتماً .
      لو اتكرر موضوع الحنفية >> لازم تفكر ف حساسية انف .
      لو اتكرر موضوع النهجان والتزييق > حساسية صدر .
      لو الاتنين اتكرروا >> حساسية انف وصدر .
      ٢٥. البخاخات وجلسات البخار مش مخدرات .
      ٢٦. البخاخات (انف وصدر) أحدث علاج في العالم للحساسية ، اقل تكلفة ، أأمن فى الآثار الجانبية ، أسرع فى النتيجة .
      ٢٧. المضاد الحيوى مش علاج للحساسية.
      ٢٨.لون الرشح هام لتحديد الحالة .لون الرشح أصفر والحرارة عالية (٣٩) ٣ ايام ،، أو الزكام والرشح والكحة مستمرين بلا توقف ١٠ ايام(حتى بدون حرارة) ، دى علامات التهاب الجيوب الأنفية الحادّ وهنحتاج غالباً مضاد حيوى يصفه الطبيب .
      ٢٩. حالات حساسية الأنف والصدر - فائقة التحسس ،، هنحتاج تحاليل حساسية Specefic Ige للأكل والمشمومات تحت اشراف طبيب عشان نحدد ايه اللى بيتعبكم ونتجنبه - او نعالجه بالأمصال.

      ٣٠. الطريقة الصحيحة للتعامل مع الكحة:
      • السوايل الدافية احسن مذيب للبلغم .
      • العسل باللمون ممتاز.
      ريجيم العسل والقرفة لإ نقاص الوزن cinammon honey diet


      • حلة مياه مغليه واستنشاق البخار اللى طالع منها احسن مرطب للحنجرة والاحبال الصوتيه والكحة الغليظة (الخُنّاق).
      • كل اما تلحق البرد بدرى كل اما تمنع مضاعفاته متكسلش تكشف عند دكتور ثقة . السجاير اكبر سبب مساعد لاستمرار كحة ابنك
      ٣١. بعض مفاتيح الكحة المختفية :
      كحة الارتجاع >> ارتجاع سوايل المعده من المرئ للصدر في الاطفال اقل من سنة وعلاجها مضادات ارتجاع مش اى دوا كحة !
      كحة الخناق >> صوت غليظ كالنباح سببها التهاب حنجرة واحبال صوتية وعلاجها جلسات ادرينالين وكورتيزون مش اى دوا كحة !
      كحة السعال الديكى >> نوبات كحة متتالية خلال زفير واحد بعدها شهيق طويييل Whoop وعلاجه مضاد حيوى ومهدئ سهال مش أى دوا كحة !
      الكحة الليلية او بعد استيقاظ النوم >> غالباً حساسية أنف .!
      الكحة والنهجان والصفير مع المجهود او اللعب او الرياضه >> غالباً حساسية صدر .
      الكحة مع أنواع معينة من الطعام أو روائح >> حساسية طعام او روائح و logic يعنى نمنعها تماماً.
      الكحة الغير مفسرة >> نتطمن على القلب ، نستبعد اى حاجة ضاغطة على الرئتين ،، الارتجاع الداخلي ،، حساسية الانف الصامته ، وبعض الامراض النادرة . ومننساش الكحة الهستيرية فى بعض الاطفال.!
      ٣٢. متفقديش أعصابك لو ابنك سخن .

      ٣٣.الطريقة الصحيحة للتعامل مع ارتفاع درجة حرارة طفلك وبالترتيب:

      • قيسي الحرارة تحت الابط وزودى نص درجة ،
      • لو فوق ٣٨ خففى الهدوم و هوى الأوضه ،،
      • فوق ٣٨،٥ ادى سيتال -او بروفين لعمر فوق ٦ شهور وحميه بمياه فاتره فوراً ربع ساعه مغمور تماما ،،
      • فوق ٣٩ خافض تانى كل ٤ ساعات ، حموم تانى كل ساعه، وبالتأكيد اكشفى فوراً .
      ٣٤. مفيش حاجة اسمها غطى الواد عشان بيترعش - انتى كده بتزودي الحرارة والعرق وده بيبهدل الطفل الصح نقلعه ونحميه ، اه نحميه وهوا بيترعش عادى والمصحف.

      ٣٥. الطريقة الصحيحة للتعامل مع ترجيع الشتا بالترتيب :
      • ريح المعده وبلاش نأكل بعد الترجيع ٢-٤ ساعات. لو في رشح او برد عالجه غالباً هوا السبب بينزل عالمعده فالطفل يرجع .
      • الترجيع مستمر؟ ابرة دانسيت عضل وكشف فوراً.
      • متتخمش فى الإسهال البسيط او الحمام السايل غالبا سببه افرازات الانف - العلاج فوق مش تحت.
      الوزن المثالي للاطفال 12 سنة - اعرف جدول وزن الطفل حسب العمر

      ٣٦. نصايح ذهبية للتخلص من مثيرات الكحة و الحساسية.
      • إخراج السجاجيد من غرف النوم.
      •  كنس التراب ومسحه بعناية من الزوايا والاركان .
      •  البعد عن كل ماله علاقة بالفرو والريش (دباديب ، قطط ، كلاب ، طيور).
      •  غلى الملايات و اكياس المخدات واغطية الفراش على درجة حرارة ٧٠ كل ٣ ايام . التخلص من الحشرات والصراصير والفئران .
      • رمى القمامة بشكل يومى .
      • التخلص من الرطوبة بتتشيف السجاد وتعريضها للشمس و تنشيف المياه المتجمعه تحت الاحواض ورطوبة الجدران باصلاح المواسير .
      • البعد عن التراب و الدخان واماكن حرق القش او الروايح النفاذة .
      •  البعد عن السجاير والحشيش.
      شاهدوا فيديو أسهل طريقة لتنظيف السجاد والموكيت والتخلص من البقع الصعبة وحماية طفلك من الحساسية على قناة جبنا التايهة على اليوتيوب ولا تنسى أن تشترك فى القناة


      ٣٧. الكورتيزون مش سم ، ومش قاتل ، ومش حشيش ، ومش عفريت تترعب لما تعرف ان ابنك بياخده ،، انا اديت ابنى ال ٣ شهور كورتيزون ، وال٣ سنين كورتيزون ، بس بحساب و بعلم ،، وهوا اقوى علاج لنوبات الحساسية الشديدة ، ولكحة الخنّاق-الحنجرية- ، وأأمن علاج بخاخ وأحسنه لحساسية الانف والصدر .

      المصدر:
      المقال من صفحة الدكتور أحمد الخطيب على الفيس بوك
      د.أحمد الخطيب 
      بكالوريوس الطب والجراحة كلية الطب جامعة الأزهر
      ماچستير طب الأطفال وحديثي الولادة كلية طب جامعة الأزهر

      أخصائي طب الأطفال وحديثي الولادة بمستشفى الشروق
      hossam
      @مرسلة بواسطة
      كاتب ومحرر اخبار اعمل في موقع جبنا التايهة .

      إرسال تعليق